ಅಧಿಕಾರಿಗಳು ಮೌನ. ಮುಖಂಡರ ಪ್ರತಿಷ್ಠೆಗೆ ಸೀಮೀತವಾದ ರೈತ ದಿನಾಚರಣೆ ಕಾರ್ಯಕ್ರಮ.
ಶಿಡ್ಲಘಟ್ಟ : ದೇಶಕ್ಕೆ ಅನ್ನ ಹಾಕುವ ರೈತನಿಗೋಸ್ಕರ ಆಚರಿಸುವ ದಿನವೇ ರೈತ ದಿನಾಚರಣೆ ಮಹತ್ವದಾಗಿದೆ. ಸೋಮವಾರದಂದು ರಾಷ್ಟ್ರೀಯ ರೈತ ದಿನಾಚರಣೆಯ ಅಂಗವಾಗಿ ಕೃಷಿ ತಂತ್ರಜ್ಞಾನ ನಿರ್ವಹಣೆ ಸಂಸ್ಥೆ ( ಆತ್ಮ) ಹಾಗೂ ಕೃಷಿಕ ಸಮಾಜ ಸಂಯುಕ್ತಾಶ್ರಯದಲ್ಲಿ ತಾಲ್ಲೂಕು ಕೃಷಿ ಇಲಾಖೆಯಿಂದ ಆಯೋಜಿಸಿದ್ದ 2024-25 ನೇ ಸಾಲಿನ ಕಿಸಾನ್ ಗೋಷ್ಠಿ ಕಾರ್ಯಕ್ರಮದಲ್ಲಿ ರೈತ ಸಂಘಗಳ ಮುಖಂಡರು ಮತ್ತು ಕೃಷಿಕ ಸಮಾಜದ ನಿರ್ದೇಶಕರ ನಡುವೆ ತೀವ್ರ ಮಾತಿನ ಚಕಮಕಿ ನಡೆದ ಘಟನೆ ನಡೆಯಿತು.
ನಗರದ ಸ್ತ್ರೀ ಶಕ್ತಿ ಭವನದಲ್ಲಿ ನಡೆದ ಕಾರ್ಯಕ್ರಮದಲ್ಲಿ ತಾಲ್ಲೂಕಿನ ವಿವಿಧ ಬಣದ ರೈತ ಸಂಘಗಳ ಅಧ್ಯಕ್ಷರು, ಪದಾಧಿಕಾರಿಗಳು ಸೇರಿದಂತೆ ಕೃಷಿಕ ಸಮಾಜದ ನಿರ್ದೇಶಕರುಗಳು ವೇದಿಕೆಯಲ್ಲಿದ್ದರು. ಕಾರ್ಯಕ್ರಮವನ್ನ ದೀಪ ಬೆಳಗಿಸುವ ಮೂಲಕ ಉದ್ಘಾಟಿಸಲಾಯಿತು.
ಕೆಲವರು ರೈತರ ಸಮಸ್ಯೆಗಳು ಕುರಿತು ಮಾತನಾಡಿದರು, ಇನ್ನೂ ಕೃಷಿಕ ಸಮಾಜದ ನಿರ್ದೇಶಕ ಮುತ್ತೂರು ಕೆಂಪೇಗೌಡ ಮಾತನಾಡಿ ರಾಜಕೀಯದವರು ರೈತರ ಹೆಸರಿನಲ್ಲಿ ಪ್ರಮಾಣ ವಚನ ಸ್ವೀಕಾರ ಮಾಡುತ್ತಾರೆ. ಆದರೆ ಅವರಿಗೆ ಸರಿಯಾಗಿ ನೇಗಿಲು ಕಟ್ಟುವುದು, ಮತ್ತು ಉಳುಮೆ ಮಾಡುವುದು, ಬಿತ್ತನೆ ಮಾಡುವುದೇ ಬರುವುದಿಲ್ಲ ಇವರೆಲ್ಲಾ ನಮ್ಮನ್ನು ಆಳ್ವಿಕೆ ಮಾಡುತ್ತಾರೆ. ರೈತರ ಹೆಸರಿನಲ್ಲಿ ಮಾತನಾಡುತ್ತಾರೆಂದು ಆಕ್ರೋಶ ಭರಿತವಾಗಿ ಮಾತನಾಡುವ ವೇಳೆಯಲ್ಲಿ ವೇದಿಕೆಯಲ್ಲಿದ್ದ ರೈತ ಮುಖಂಡರೊಬ್ಬರು ಸಾಕು ಮಾತನಾಡಿದ್ದು ಎಂದು ಕೇಳಿದರು. ಆಗ ಕೆಂಪೇಗೌಡ ಅವರು ಇಷ್ಟೊತ್ತು ವೇದಿಕೆಯಲ್ಲಿ 12 ಜನ ಮಾತನಾಡಿದ್ದೀರಿ, ಆಗ ನಾವು ಕೇಳಿಸಿಕೊಂಡಿದ್ದೇವೆ ನಾನು ಮಾತನಾಡುವಾಗ ಕೇಳಬೇಕು ನನ್ನನ್ನು ಮಾತನಾಡದೇ ನಿಲ್ಲಿಸು ಎಂದು ಹೇಳಲು ನೀವು ಯಾರು? ಇಷ್ಟಕ್ಕೂ ರೈತ ಸಂಘದವರಿಗೆ ಇಲ್ಲಿ ಏನು ಕೆಲಸ ಎಂದು ಸಿಡಿಮಿಡಿಗೊಂಡು ರೈತ ಸಂಘದವರನ್ನ ತರಾಟೆಗೆ ತೆಗೆದುಕೊಂಡರು. ಇದಕ್ಕೆ ವೇದಿಕೆಯಲ್ಲಿದ್ದ ರೈತ ಸಂಘಗಳ ಅಧ್ಯಕ್ಷರು, ಪದಾಧಿಕಾರಿಗಳು, ಕೆಂಪೇಗೌಡ ಅವರ ತೀವ್ರ ಮಾತಿಗೆ ಅಕ್ಷೇಪ ವ್ಯಕ್ತಪಡಿಸಿ ತಿರುಗಿ ಬಿದ್ದರು. ಹಾಗದರೆ ಕಾರ್ಯಕ್ರಮ ಅವರೇ ಮಾಡಿಕೊಳ್ಳಲೀ ನಮಗೇನು ಇಲ್ಲಿ ಕೆಲಸ ಎಂದು ವೇದಿಕೆಯಿಂದ ಹೊರ ನಡೆದರು. ಕೆಲ ಕಾಲ ಕೃಷಿಕ ಸಮಾಜ ನಿರ್ದೇಶಕರು ಮತ್ತು ರೈತ ಸಂಘಗಳ ಮುಖಂಡರ ನಡುವೆ ವಾಗ್ವಾದ, ತೀವ್ರ ಮಾತಿನ ಚಕಮಕಿ ನಡೆಯಿತು.
ಕೃಷಿ ಇಲಾಖೆಯ ಸಹಾಯಕ ನಿರ್ದೇಶಕ ರವಿ ಮತ್ತು ತೋಟಗಾರಿಕೆ ಇಲಾಖೆಯ ಸಹಾಯಕ ನಿರ್ದೇಶಕಿ ಮಂಜುಳ ಅವರು ಕೆಲ ಸಮಯ ಮೌನವಹಿಸಿದರು. ಬಳಿಕ ರೈತರು ಮತ್ತು ಕೃಷಿಕ ಸಮಾಜದ ನಿರ್ದೇಶಕರ ಮನವೋಲಿಸುವ ಪ್ರಯತ್ನಕ್ಕೆ ಮುಂದಾದರು. ಕೃಷಿಕ ಸಮಾಜ ನಿರ್ದೇಶಕರಾದ ನಾಗಮಂಗಲ ಶ್ರೀನಿವಾಸ್ ಗೌಡ, ಶಿವಣ್ಣ ಅವರು ರೈತರನ್ನು ಸಮಾಧಾನ ಪಡಿಸಿದರು.
ರೈತರ ದಿನಾಚರಣೆಯಲ್ಲಿ ಸಹನೆ, ತಾಳ್ಮೆಯಿಂದ ನಡೆದುಕೊಳ್ಳಬೇಕಿದ್ದ ರೈತರು ಮತ್ತು ಕೃಷಿಕ ಸಮಾಜ ನಿರ್ದೇಶಕರು ಪ್ರತಿಷ್ಠೆಯಾಗಿ ತೆಗೆದುಕೊಂಡು ಮಾತಿನಲ್ಲೆ ಕಚ್ಚಾಡಿಕೊಂಡಿರುವುದೇ ವಿಪರ್ಯಾಸ.
ಕಾರ್ಯಕ್ರಮದಲ್ಲಿ ಕೃಷಿ ಇಲಾಖೆಯ ಸಹಾಯಕ ನಿರ್ದೇಶಕ ರವಿ, ತೋಟಗಾರಿಕೆ ಇಲಾಖೆಯ ಸಹಾಯಕ ನಿರ್ದೇಶಕಿ ಮಂಜುಳ, ರೇಷ್ಮೇ ಗೂಡು ಮಾರುಕಟ್ಟೆ ಸಹಾಯಕ ನಿರ್ದೇಶಕ ತಿಮ್ಮರಾಜು, ಕರ್ನಾಟಕ ರೈತ ಸಂಘದ ರಾಜ್ಯ ಪ್ರಧಾನ ಕಾರ್ಯದರ್ಶಿ ಭಕ್ತರಹಳ್ಳಿ ಬೈರೇಗೌಡ, ತಾಲ್ಲೂಕು ಅಧ್ಯಕ್ಷ ತಾದೂರು ಮಂಜುನಾಥ್, ರೈತ ಸಂಘದ ರಾಜ್ಯ ಉಪಾಧ್ಯಕ್ಷ ಬೆಳ್ಳೂಟಿ ಮುನಿಕೆಂಪಣ್ಣ, ರೈತ ಸಂಘದ ತಾಲ್ಲೂಕು ಅಧ್ಯಕ್ಷರಾದ ರವಿಪ್ರಕಾಶ್, ಮುನೇಗೌಡ, ಜಿಲ್ಲಾ ಪ್ರಧಾನ ಕಾರ್ಯದರ್ಶಿ ಭಕ್ತರಹಳ್ಳಿ ಪ್ರತೀಶ್, ರೈತ ಸಂಘದ ಜಿಲ್ಲಾ ಉಪಾಧ್ಯಕ್ಷ ಕೆ.ಎಸ್ ಅರುಣ್ ಕುಮಾರ್, ಕೃಷಿಕ ಸಮಾಜದ ನಿರ್ದೇಶಕ ಮಳ್ಳೂರು ಶಿವಣ್ಣ, ನಾಗಂಮಗಲ ಶ್ರೀನಿವಾಸ ಗೌಡ, ಬೋದಗೂರು ವೆಂಕಟಸ್ವಾಮಿರೆಡ್ಡಿ, ಸೇರಿದಂತೆ ರೈತ ಸಂಘದ ಪದಾಧಿಕಾರಿಗಳು ಸಾರ್ವಜನಿಕರು ಭಾಗವಹಿಸಿದ್ದರು.
